Ең Ұсқынсыз Rolls-Royce Италияда Сатылымға Шығады

Rolls-Royce клиенттерінің қалауы автоөндірушінің дәстүріне сәйкес келмеуі мүмкін. Сол себепті Альфредо Виньяле шеберханасындағы мамандар лимузиннің дизайнын өзгерту жұмыстарын қолға алды.

LCLW14 шасси нөміріне ие көлікті 1954 жылы Турин автосалонында көрсетіп, кейін Америкадағы клиентіне жіберген. Автомобильдің созыңқы радиатор торына екі түрлі домалақ шам орнатылған, ал шатыры көлбеу орналасқан. Салон артқа ығысқандай көрінеді.

Дизайнерлер шанақты үшке бөліп, суретін «жотаға» ұқсатуға тырысқан секілді, бірақ таңдалған элементтердің симбиозы көпшілікке ұнамағаны анық, салдарынан автомобиль «ең ұсқынсыз Rolls-Royce» деп аталды.

Маркаға адал жүргізушілерге кедергі болмау үшін Экстаз Рухы мүсіншесінің жартылай шыкқандығы оларды да алаңдатты.

Клиенттің талабына сәйкес, шеберлер қозғалтқыштың біраз бөлігін жасыл түске бояп, көрініп тұрған бөлшектерді хромдаған.

• Былғарымен қапталған салон;
• Кондиционер;
• Теледидар;
• Электр жетекті әйнектер;
• Becker Mexico премиум радиосы мен телефон;
• Алтынмен апталған унитаз.

Артқы диванның артына жасырып қойған унитазды иесі шарап қойылатын мұз толы ыдыс ретінде пайдаланған дейді сатушылар.

Бұл ерекше көлікті Нью-Джерсиде тұратын өнертапқыш, Джозеф Дж. Машуч (1896–1986) тапсырыс берген. Ірі кәсіпорынды басқарған магнаттың 19 бөлмелі зәулім үйі де ел назарына іліккен.

Қазір бірегей 1954 Rolls-Royce Silver Wraith Vignale Нидерландыда тұр. Автомобиль 25 мамыр күні бәссаудаға түседі, және аукционшылар оның 120-160 мың еуроға сатылатынына үміттенеді.