Мемлекетке аукционда ұсынылған 1990 жылғы Chevrolet Camaro

Қаңтардың ортасында Mecum аукционы 1990 жылғы сирек кездесетін Iroc-Z 1LE комплектациясындағы Chevrolet Camaro-ны саудаға салады. Иесі бұл автомобильді ешқашан жүргізбеген. Одометрі бар болғаны 10 шақырым көрсетіп тұр.

Аукционшылардың айтуынша, бұл көлік жертөледе тұрған, сондықтан жаңа күйінде сақталған. Иесі спорткарды не үшін пайдаланбағаны белгісіз.

Camaro-ның Iroc-Z нұсқасы

Үшінші буындағы Camaro-ның Iroc-Z атты үздік нұсқасы:

• Қосымша шанақ кергішпен,
• Алуан түрлі тұрақтандырғыш пен амортизаторлармен ерекшеленеді.

Компания бұл модельді көптеп шығарғанымен, біз сөз етіп отырған экземпляр қосымша 1LE пакетімен жабдықталған. Оған:

1. Corvette-тің күшті алдыңғы тежеуіші,
2. Алюминийден жасалған кардан,
3. Май салқындату жүйесі және т.б.

Бірақ спорткарда кондиционер мен аудиожүйе жоқ. 1990 жылы мұндай машинаның 62-сі ғана жасалыпты.

Қозғалтқыш және құжаттары

Машина 245 ат күшіне ие 5.7 литрлік V8 қозғалтқышпен жұптасқан 4 сатылы автоматпен жүреді. Аукцион қызметкерлері автомобиль үнемі техникалық тексерістен өтіп отырғанын атап өтті. Көлікпен бірге 1990 жылы сатып алған кездегі және басқа құжаттары қоса беріледі.

Аукцион бағасы

Бұл ерекше Camaro қаншаға өтетіні әзірге белгісіз. Осы буындағы жүрмеген спорткардың бұрын сатылған бағасын ескерсек, құны 100 мың доллардан асуы мүмкін.