Иранмен еркін сауда келісімі күшіне енеді

Евразиялық экономикалық комиссия (ЕЭК) Ислам Республикасы Ираннан еркін сауда келісімінің күшіне енуі үшін қажетті ішкі рәсімдердің аяқталғаны туралы ресми хабарлама алды. 2025 жылдың қаңтар айында Иран тарапы ЕАЭО-дағы барлық рәсімдердің аяқталғаны туралы хабарлама жолданған болатын - деп хабарлайды eldala.kz тілшісі.

Келісімнің күшіне енуі

ЕЭК-ның министрі Андрей Слепневтің айтуынша, «Келісімнің күшіне енуі үшін қажетті рәсімдерді растайтын ноталар алмасқаннан кейін, құжаттың күшіне ену мерзімі 60 күн белгіленген». Демек, келісім 2025 жылдың 15 мамырында күшіне енеді.

Сауда айналымының өсуі

ЕЭК-ның бағалауы бойынша, бұл келісімді жүзеге асыру алдағы уақытта өзара тауар айналымын рекордтық 12 миллиард доллар көлеміне жеткізуі мүмкін. Бұл қазіргі көлеммен салыстырғанда шамамен екі есе өсуді білдіреді.

Келісімнің шарттары

ЕАЭО мен Иран арасындағы еркін сауда туралы келісім 85%-дан астам тауарға, соның ішінде дәнді дақылдарға импорттық кеден баждарын алып тастауды қарастырады. Келісім күшіне енгеннен кейін Қазақстан Иранға 3 миллион тонна бидай мен 1,5 миллион тонна арпа жеткізе алады. Иран да жүгері, қарақұмық, шоколад, күнбағыс майы, болат, минералды тыңайтқыштар мен ауыл шаруашылық техникасы үшін кеден баждарын жоюды міндеттеді.

Келісімнің нәтижесінде екі ел арасындағы сауда байланыстары айтарлықтай күшейеді.