Алматы су аэропортқа салынған айыппұлды жоюға қарсы

«Алматы су» ұйымы қала аэропортына салынған 122 миллион теңге көлеміндегі айыппұлды жою туралы шешімге шағымдануды жоспарлап отыр - деп хабарлайды inalmaty.kz тілшісі.

Бұған дейін, Алматы аэропорты «Алматы су» тарапынан су жеткізу мен суды бұру қызметтеріне жүргізілген тексеру нәтижесінде 122 миллион теңге айыппұлға тартылғаны хабарланған болатын. Дегенмен, Түрксіб аудандық прокуратурасы бұл айыппұлды заңсыз деп танып, жою туралы шешім қабылдады.

«Алматы су» ұйымы прокуратураның бұл шешімімен келіспей, сотқа жүгінуге дайын. «Біз заң аясында барлық дәлелдерді ұсындық. Барлық айыппұлдар қолданыстағы нормативтік құқықтық актілерге сәйкес салынды. Алайда, біз келісілмеген прокурорлық тексеру актісімен келіспей, заң бойынша шағым жасау жоспарда бар», - деді РСК-да өткен брифингте «Алматы су» сауда департаментінің директоры Серік Шагиров.