Алматыда көлік-логистика кешені салынады

«Кедентранссервис» акционерлік қоғамы (КТЖ-ның еншілес кәсіпорны) Қытайдың ірі көлік-инвестициялық тобы «Цзиньхуа» компаниясымен логистика кешенін салу бойынша ниет меморандумын жасасты. - деп хабарлайды eldala.kz тілшісі.

Жобаның негізгі мақсаты

Логистикалық кешен халықаралық көлік маршруттарын интеграциялауға, Қазақстан мен Қытайдың ірі логистикалық хабтарының бірегей көлік инфрақұрылымын құруға мүмкіндік береді.

КТЖ өкілдерінің айтуынша, бұл жоба екі елдің сауда-экономикалық байланыстарын нығайтуға жаңа мүмкіндіктер ашады.

Жобаның сипаттамасы

• Контейнерлік алаңша мен заманауи қоймалар салынады;
• Жобаның жалпы аумағы - 17,9 гектар;
• Жобалық қуаты - жылына 300 мың ДФЭ (20 футтық эквивалент).

Заманға сай логистика кешені еліміздің экономикасының өсіміне жан-жақты әсер ететін болады.