Қазақстан Атырау арқылы Африка нарығына жүк жеткізуді көздейді

Қазақстан Транскаспий халықаралық көлік маршруты арқылы Африка елдеріне астық, дәнді-дақылдар, май дақылдары, жоғары сапалы ет және органикалық өнімдер жеткізуді жоспарлап отыр. - деп хабарлайды eldala.kz тілшісі.

Сенім мен теңдік негізінде ынтымақтастық

Бұл туралы Қазақстан Республикасының сыртқы істер министрі Мурат Нұртілеу Сьерра-Леондың сыртқы істер және халықаралық ынтымақтастық министрі Тимоти Муса Каббамен кездесуде айтты.

«Географиялық алшақтыққа қарамастан, біз сенім мен теңдікке негізделген ынтымақтастықты құруға қызығушылық танытып отырмыз. Сауда, көлік және логистика, денсаулық сақтау, ауыл шаруашылығы және басқа да маңызды салаларда жемісті өзара іс-қимыл үшін едәуір әлеует бар», — деді Нұртілеу.

Келіссөздер нәтижесі

Кездесу нәтижесінде сыртқы саяси ведомстволардың басшылары Қазақстан Республикасының сыртқы істер министрлігі мен Сьерра-Леоне Республикасының сыртқы істер және халықаралық ынтымақтастық министрлігі арасындағы ынтымақтастық жөніндегі Жол картасын қабылдады.

2024 жылғы рекордтық астық жинау

Айта кетейік, 2024 жылы Қазақстанда астық дақылдарының рекордтық өнім көлемі — 25,2 миллион тонна жиналды. Элеваторлардағы орынды босату және ауыл шаруашылығы өнімдерін өндірушілерді қолдау үшін Үкімет 40 миллиард теңге бөлді, бұл қаражат алыстағы нарықтарға астық тасымалдау шығындарын субсидиялауға жұмсалмақ.