Аграрлық кредиттік корпорация берешек өтеу акциясын жариялады

21 қазаннан 13 желтоқсанға дейін Аграрлық кредиттік корпорация берешектерді өтегені үшін айыппұлсыз акция өткізеді. Акцияға қатысуға Аграрлық кредиттік корпорацияның (заңды және жеке тұлғалар) мерзімі өткен қарыздары бар заемшылары құқылы - деп хабарлайды eldala.kz тілшісі.

Акцияның шарттары

Акцияға қатысқысы келетін заемшыларға қарызын айыппұлсыз өтеу үшін келесі талаптар орындалуы тиіс:

• Мерзімі өткен сыйақы, негізгі қарыз, мерзімі өткен негізгі қарызға есептелген сыйақы, айыппұл сомаларын толық өтемей, айыппұлды жою мүмкін емес.
• Акцияға қатысушы тек бір рет қатыса алады.
• Қарызды 2024 жылдың 13 желтоқсанына дейін Аграрлық кредиттік корпорацияның шотына аудару қажет.

Корпорацияның әлеуметтік жауапкершілігі

Аграрлық кредиттік корпорацияның басқарма төрағасы Алмат Аширбеков атап өткендей:

«Аграрлық кредиттік корпорация фермерлерді қолдау мақсатында тұрақты түрде акциялар өткізеді. Біздің басты мақсатымыз – азық-түлік қауіпсіздігін қамтамасыз етіп, фермерлердің табысын арттыруға көмектесу».

Сондай-ақ, бұрынғы жылдары табиғи апаттар мен су тасқындары салдарынан шаруаларға төлем мерзімін ұзарту ұсынылды.