Ақтөбе ферросплав зауыты өнерімен жеңіске жетті!

Ақтөбе ферросплав зауытының қызметкерлері «Кел, шырқайық!» музыкалық шоуында бірінші орынға ие болып, жеңімпаз атанды. Олар кәсіби шеберліктерімен қатар, шығармашылық әлеуеттерін де көрсетіп, көрермендерді таң қалдырды. 2025 жыл Қазақстанда еңбек кәсібі жылы деп жариялануына орай, елімізде әртүрлі шаралар, соның ішінде «Кел, шырқайық!» музыкалық шоуы өткізілді. хабарлайды Актобе Таймс.

Республика арнасында КТК-да көрсетілген жобасы көрермендер арасында жылдам танымалдыққа ие болып, халықтық хитке айналды. Шоудың қатысушылары еліміздің түкпір-түкпірінен келген жұмысшы мамандар болды, бірақ «Хром» тобының өнері ерекше назар аударуға тұрарлық болды. Ақтөбе ферросплав зауытының қызметкерлері өнерлерін еңбек күндері мен өнерге деген сүйіспеншілікті шебер үйлестірген таңғажайып попурри арқылы көрсетіп, әділ-қазылардың жоғары бағасын алды.

«Бізді еңбек мамандары ретінде шақырды. Командада өз ісінің нағыз мамандары болды: Айман Куттымуратова – балқыту цехының кран машинисі, Жанасыл Жанкабылов – электродуговой дәнекерлеуші, Асемгуль Аймагамбетова – рентгеноскопист-инженер, Шымболат Кайратулы – шихта машинисі және Нурия Куандыкова – қойма есебі бойынша менеджер. Біз өз жұмысымыз туралы айтып қана қоймай, металлургия саласының ерекшеліктерімен де бөлістік», – деп атап көрсетті команда капитаны, балқыту шебері Дастан Казбек.

«Хром» командасының жеңісі – бұл әріптестерінің бірлігі мен қолдауының нәтижесі. Жеңімпаздар кубогы қазіргі таңда зауыттың музейінде, ұжымның жетістіктері мен еңбек табыстарының символы ретінде сақтаулы тұр.

Шоу бағдарламасы барысында зауыт қызметкерлері қатысушылар мен әділ-қазыларға естелік сыйлықтар табыс етті, ал студияларға феррохромнан жасалған статуэткалар берілді, олар металлургтардың еңбегі мен шеберлігін бейнеледі.

Біздің жерлестерімізді жеңістеріңізбен шын жүректен құттықтаймыз! Еңбек пен өнерде сіздерге табыс тілейміз! Сіздердің еңбектеріңіз әрқашан жемісін берсін, ал өнер жаңа биіктерге шабыттандыра берсін!