Талғар ауданында қоқыс өртенді

19 сәуір күні Алматы облысы Төтенше жағдайлар қызметінің құтқарушылары Талғар ауданында қоқыстың өртенгені туралы шақырту алды. Оқиға орын алған жер Алматының үлкен айналмалы жолына жақын орналасқан - деп хабарлайды inalmaty.kz тілшісі.

Оқиғаның барысы

Өрт ошағы Гулдала ауылына жақын жерде анықталды.

«9:39-да құтқарушылар өрт алаңы шамамен 20–30 шаршы метрді құрайтынын анықтады. Оттың учаскеден тысқа таралуы байқалмады»,- деп хабарлады ведомство.

Өрт сөндірушілер оқиға орнына жедел түрде жетті. Жалын 13:07-де толықтай сөндірілді. Жалпы өртенген аумақ 80 шаршы метрді құрады.

Бақытымызға орай, зардап шеккендер жоқ. Жағдайды бақылау үшін екі құтқарушы және бір техника жұмылдырылды. Өрттің шығу себептері анықталып жатыр.