Алматыда соғыс ардагерлеріне 5 миллион теңге төленеді

Алматыда 80-жылдық мерейтойына орай Ұлы Отан соғысының ардагерлеріне біржолғы төлем 5 миллион теңгеге дейін көбейтіледі, тыл еңбеккерлеріне 100 мың теңге көлемінде төлем ұсынылады - деп хабарлайды inalmaty.kz тілшісі.

Алматылық Ұлы Отан соғысының ардагерлері 80-жылдық мерейтойына орай 5 миллион теңге біржолғы төлем алады. Бұл бастаманы Алматы әкімі Ерболат Досаев қала мәслихатының кезектен тыс XXIX сессиясында депутаттармен бір ауыздан қолдады.

Бұл әлеуметтік қолдау шарасы тек соғыс ардагерлері мен мүгедектеріне арналған. Алматы қаласының жұмыспен қамту және әлеуметтік бағдарламалар басқармасының мәліметтері бойынша, қазіргі уақытта қалада 21 соғыс ардагері өмір сүруде.

Сонымен қатар, тыл еңбеккерлеріне арналған төлемдер көлемі де арттырылады - бұрынғы 50 мың теңгенің орнына олар 100 мың теңге алады. Бұл категорияда 6 149 адам бар.

«Әкімнің тапсырмасы аясында біржолғы әлеуметтік көмектің көлемін арттыру қарастырылған: 21 соғыс ардагеріне 5 миллион теңгеден, ал 6 149 тыл еңбеккеріне 100 мың теңгеден төленеді», - деп мәлімдеді басқарма басшысы Бауржан Жаубасов.

Ардагерлер мен тыл еңбеккерлеріне арналған төлемдер аудандық әкімдіктер арқылы жүзеге асырылады және өтініш берудің қажеті болмайды — қаржылық қаражат үнемі тізімге сәйкес, алушының банктік есепшотына автоматты түрде түсе алады, деп хабарлады «Государственная корпорация «Правительство для граждан» ұлттық акционерлік қоғамы.