Алматыда микроавтобустар автобус жолында жүре ала ма?

Юристер «Параграф» компаниясында Алматыдағы микроавтобустардың автобус жолында жүруіне қатысты түсіндірме берді. Жол қозғалысы ережелерінің 126-шы пунктіне сәйкес, автобус жолында жүріп өтуді және тоқтауды қоғамдық көлік пен «М3» категориясындағы көліктерден басқа көлік құралдарына рұқсат етілмейді - деп хабарлайды inalmaty.kz тілшісі.

• «М3» категориясына мыналар жатады:

1. жолаушыларды тасымалдауға арналған көліктер;
2. жүргізушіден бөлек, сегізден астам орындықтары бар;
3. техникалық рұқсат етілген максималды массасы бес тоннасынан асатын.

«Егер көлік құралы «М3» категориясына жатса, онда оған қоғамдық көлік жолы бойынша жүруге рұқсат берілген», — деп айтты сарапшылар.

Естеріңізге сала кетейік, мегаполисте автобус жолында жүруге тек бір учаске рұқсат етілген: Райымбек даңғылында Сайын көшесінен Яссауи көшесіне дейін тек демалыс және мереке күндері.