Орал әкімдігінде Face ID жүйесі енгізілді

Мемлекеттік орган қызметкерлері мен қалалық мәслихат депутаттары үшін Face ID жүйесін енгізді. Қаланың әкімдігі баспасөз қызметінің мәліметінше, бұл шара жұмыс күні басталғанда және аяқталған кезде турникет жанында адамдардың жиналуын болдырмау мақсатында іске асырылды. Қаланың тұрғындары үшін әкімдіктің ғимаратына кіру бұрынғыдай еркін, яғни Орал әкімдігінің 1-қабатында «Азаматтарды қабылдау орталығы» азаматтардың және заңды тұлғалардың құжаттарын қабылдап, өңдеу үшін ашық қолжетімді түрде жұмыс істейді. uralskweek.kz

Қалалық әкімдіктің баспасөз қызметінің хабарлауынша, орта есеппен күніне 400-ге жуық қала тұрғыны әкімдікке кеңес алу немесе қызмет көрсету үшін келеді, олардың ішінде:

• жер мәселелері;
• сәулет және қала құрылысы саласындағы сұрақтар;
• ауыл шаруашылық техникаларын тіркеу;
• қала әкімінің атына өтініш жазу;
• әкімге және оның орынбасарларына қабылдауға жазылу.

«Азаматтарды қабылдау орталығына» келгенде кезек күтуді және келушілердің эмоционалдық күйзелісін болдырмау мақсатында әкімдікке кіріп-шығу кезінде жан-жақты тексеру және тіркеу жүргізілмейді.

Кіре беріс жүйесіндегі жаңалықтар

Әкімдіктің қызметкерлері үшін кіре берісте қолжетімділік бақылау және басқару жүйесі (бұдан әрі — ҚББЖ) орнатылған. Бұл жүйе қауіпсіздікті қамтамасыз ету және қызметкерлердің ғимаратқа кіруі мен шығуын бақылау үшін арналған техникалық құралдар мен бағдарламалық қамтамасыз етудің кешенін қамтиды.

Бұрын қала әкімдігі қызметкерлері мен Орал қалалық мәслихаты депутаттарының кірісі ID-картасы немесе уақытша пропуск арқылы ҚББЖ жүйесі арқылы жүзеге асырылатын. Қазіргі уақытта Face ID технологиясын қолданатын ҚББЖ жүйесі енгізілді. Бұл қызметкерлердің ID-картасы немесе уақытша пропуск алып жүру қажеттілігін жояды, жүйе тұлғаларды таниды және әкімдік қызметкерлері мен депутаттарды турникет арқылы өткізеді. Сонымен қатар, бұл жұмыс күні басталғанда және аяқталған кезде турникет маңында кезектің пайда болуын азайтады.