Алматыда Айтыков көшесінің біржақты қозғалысына өту басталды

26 мамырдан бастап Айтыков көшесінің Баймағамбетовадан Даналыққа дейінгі учаскесінде біржақты қозғалыс оңтүстік бағытта ұйымдастырылатыны хабарланды. Алматылықтардың көлік қозғалысын реттеу мақсатында бұл шара енгізілетіні туралы inalmaty.kz тілшісі хабарлады.

Қалалық мобильділік басқармасының мәлімдемесіне сәйкес, бұл өзгерістер әкімшілік полициямен келісілген және эксперименттік тәртіпте енгізілуде. Жаңа шараның мақсаты – қозғалыс аймағының өткізу қабілетін арттыру және жолдағы конфликттік жағдайларды азайту.

Басқарма өкілдері жаңа схема бойынша жол жағдайларын бақылаудың нәтижелеріне байланысты түзетулер енгізілетінін де атап өтті.