Аграрлық кластерді дамыту: Қазақстанның жаңа жобасы

Агроиндустриалды кластерді құру жобасын іске асыру туралы келісімді КАЗАКH INVEST ұлттық компаниясының басқарма төрағасы Ержан Елекеев және «Харвест Агро Холдинг» ЖШС директоры Даулет Увашев қол қойды, - деп хабарлайды eldala.kz тілшісі.

Жоба жайылым және отгондық жерлерді заманауи су үнемдейтін технологияларды пайдалана отырып, суару ауылшаруашылық жерлеріне айналдыруды көздейді. Бұл жоба Жамбыл, Алматы, Жетісу, Түркістан, Павлодар, Қызылорда және Шығыс Қазақстан облыстарын қамтиды.

• Бірінші кезеңде 150 мың гектар жер игеру жоспарланып, инвестиция көлемі шамамен 500 млн доллар болады.
• Жобамен өңірлерде 1050 тұрақты жұмыс орны құрылады.
• Инвестор дайындалған жерлерде экспорттық және жем-шөп құндылығы жоғары ауылшаруашылық дақылдарын, ең алдымен, жүгері мен соя өсіруді жоспарлайды.

Жобаның негізгі шаралары

• Инженерлік-геологиялық және агрохимиялық зерттеулер жүргізу;
• Суару және су алу жүйелерін жобалай және орнату;
• Энергетикалық және инженерлік инфрақұрылымды тарту;
• Жердің аграрлық дайындығы мен ауылшаруашылық өндірісті іске қосу.

«Харвест Агро Холдинг» директоры Даулет Увашевтың айтуынша, жоба аграрлық инфрақұрылымды орнықты қалыптастыруға бағытталған және 2030 жылға қарай суарылатын жерлердің алаңын 2,5 млн гектарға дейін арттыру жөніндегі ұлттық мақсатқа үлес қосады.

«Бұл жоба аясында біз жүгері өсіруді жоспарлап, оны ішкі нарықта және экспортта сатамыз»,- деп атап өтті ол.

KAZAKH INVEST басқармасының төрағасы Ержан Елекеев, жоба арқылы пайдаланылмайтын үлкен жер массивтерін тиімді және жауапкершілікпен айналымға қайтару жолдарын көрсететінін айтты.

«Біз инфрақұрылымды, жұмыспен қамтуды және технологияларды қамтитын ауқымды аграрлық трансформация туралы айтамыз, сонымен қатар елдің экспорттық әлеуетін нығайтамыз. Ұлттық компания KAZAKH INVEST жобаның жүзеге асырылу кезеңінде инвесторды толық қамтамасыз етеді»,- деді ол.

Келесі кезеңдерде тараптардың міндеттемелерін ресми түрде бекітетін және жобаны мемлекет тарапынан қолдауды қамтамасыз ететін Инвестициялық келісімді рәсімдеу жоспарланған.