Алматыда Бостандық ауданында өрт шықты

Бүгін таңертең Алматы қаласының Бостандық ауданында Жарокова көшесінде орналасқан бес қабатты тұрғын үйде өрт шықты. Бұл туралы қаладағы Төтенше жағдайлар департаментінің баспасөз қызметі хабарлайды.

Бесінші қабаттағы пәтерде бөлме мен балкон жанып кеткен. Өрт сөндірушілер көрші пәтерлерге оттың тарап кетуіне жол бермеді.

«Төтенше жағдайлар қызметінің күштері өртті 15 шаршы метр аумаққа сөндірді. Зардап шеккендер жоқ, өрттің себебі анықталуда,» – делінген хабарламада.

Өрт сөндіру бөлімшелері келгенше, тұрғындар өздігінен сыртқа шықты. Тұрғындарды жылыту үшін оқиға орнына арнайы техника жіберілді.