Алматыда 20 жылдан астам құжатсыз өмір сүрген әйелдің азаматтығы қалпына келтірілді

Алматыда 60 жастағы әйел 20 жылдан астам құжатсыз өмір сүріп, азаматтығы қалпына келтірілді. Бұл оқиға Қазақстан полициясы күніне орай гуманитарлық бастаманың бір бөлігі болып табылады - деп хабарлайды inalmaty.kz тілшісі.

1964 жылы дүниеге келген Алматы тұрғыны соңғы 20 жыл бойы жеке куәлік алмай өмір сүріп, зейнетақы ала алмай, тұрғын үй рәсімдеу немесе әлеуметтік көмектерге жүгіну мүмкіндігінен айырылды. Оның жеке куәлігін 1974 жылы жоғалтуы осы жағдайдың себепкері болды.

Миграциялық қызметтің қызметкерлері оның қиын жағдайын біліп, қажетті құжаттарды жинауға жедел көмектесті. Нәтижесінде, әйел Қазақстан Республикасының азаматшасы ретінде танылып, ресми түрде құжатталған.

Қазіргі таңда оған барлық қажетті құжаттарды, соның ішінде зейнетақы төлемдерін алу мен тіркеуді рәсімдеу бойынша көмек көрсетілуде.