Қостанай облысының аграршылары несие төлемдерін өзгертуге өтініш жасады

Қостанай облысының аграршылары несие төлейтін құрылымды өзгертіп, алдымен негізгі қарызды, содан соң пайыздарды өтеуді ұсынып отыр. Бұл, негізінен, ауыл шаруашылығы өнімдерінің төмен бағасы мен аграршыларға субсидиялар бойынша қарыздар ескеріле отырып, саланың қаржылық қиындықтарын шешуге көмектеседі, - деп хабарлайды eldala.kz тілшісі.

Ассоциация өкілдері қазіргі таңда ауыл шаруашылығы министрлігіне субсидиялар бойынша қарызды өтеу үшін 18 миллиард теңге қажет екендігін жеткізді. Бұл тек несиелер бойынша пайыздық мөлшерлемені субсидиялау бағдарламасы бойынша ғана. Ал ауыл шаруашылығы министрлігінен жауап және қаржы күтумен, аграршылар мәселені шешудің басқа жолын ұсынады – несие төлемдерінің құрылымын өзгерту.

«Біз көптеген нормативтік құжаттармен танысып, несие төлемдерінің тәртібін қаржы институттары өздері анықтайтындығына, алдымен өз пайдасын алуды, сосын негізгі борышты төлеуді қалайды деген шешімге келдік. Бұл тәртіпті қайта қарап, аграршыларға төлемдерді жеңілдетуге мүмкіндік жасау қажет», - деді Қостанай облысы ауыл шаруашылығы өнімдерін өндірушілер ассоциациясының өкілі Светлана Михайленко.

КазАгроФинанс өкілдері де институттың тек ішкі ережелер бойынша жұмыс істейтінін, онда төлем тәртібі нақты көрсетілгенін растады. Аграшылар, пайыздық мөлшерлемені субсидиялау мәселесі бойынша қарыздың екі жылдан бері шешілмегендігін, бірақ қаржы институттарының ішкі құжаттамаларын өзгертуге ниет білмейтінін атап өтті.

Мәселені шешу мақсатында Ассоциация төрағасы Александр Бородин, КазАгроФинанс және Аграрлық кредиттік корпорация басшыларына үш жақтан хат жазуды ұсынды. Онда несие төлемдерінің тәртібін өзгерту жөнінде өтініш болатындығы айтылды.

Осы ретте фермерлер, ауыл шаруашылығы дақылдарының бағаларын қалыптастыру процесінде де түсініктеме енгізу қажет деп санайды.