Алматыда мопедтермен байланысты жол-көлік оқиғалары көбейді

Полиция Алматы қаласында "Қауіпсіз жол" атты мопедтерге қатысты арнайы жұмыс жүргізуде. Департаменттің мәліметі бойынша, мегаполисте авария жағдайының артуына альтернатива көлік құралдарының - мопедтер мен электросамокаттардың танымалдығы әсер етіп отыр - деп хабарлайды inalmaty.kz тілшісі.

Деректер мен статистика

2024 жылдың басынан бері мопед жүргізушілері 930 жол-көлік оқиғасын жасап, 953 адам жарақат алды, ал 15 адам қаза тапты. Ал электросамокаттармен 127 жол-көлік оқиғасы тіркеліп, 133 адам зардап шекті, бірақ қаза тапқандар жоқ.

Заңбұзушыларға шаралар

• Жыл басынан бері 31 894 мопед жүргізушісі және 28 762 электросамокат қолданушысы жол қозғалысы ережелерін бұзғаны үшін әкімшілік жауапкершілікке тартылды.
• Сонымен қатар, 1 800-ден астам мопед арнаулы автотұраққа қойылды.

"Біздің міндетіміз - жолдағы қауіпсіздікті қамтамасыз ету," - деді Алматы Департаментінің жергілікті полиция қызметі басқармасының орынбасары Тимур Ногайбаев.