Енбекшиказах ауданындағы жол апатында үш адам көз жұмды

Енбекшиказах ауданында жол-көлік оқиғасы орын алды. Аталған оқиға бойынша облыс полициясының департаменті мәлімет берді - деп хабарлайды inalmaty.kz тілшісі.

Оқиға 36 шақырым Талғар-Есік автожолында болған. Zeekr 001 көлігінің жүргізушісі қарсы бағытқа шығып, Daewoo Matiz автокөлігімен соқтығысқан.

«Жол-көлік оқиғасы нәтижесінде Daewoo Matiz автокөлігінің екі жолаушысы оқиға орнында көз жұмды. Жүргізуші есінен танып, аудандық аурухананың реанимациялық бөлімшесінде қайтыс болды» - деді полиция.

Оқиға бойынша қылмыстық іс қозғалып, Zeekr 001 көлігінің жүргізушісі қамауға алынды. Тергеу жұмыстары жалғасуда.