Жер ресурстарының деградациясы мен климаттық дағдарыс

Орманды кесу, урбанизация және тұрақсыз ауыл шаруашылығы жер ресурстарының ғаламдық деградациясына әкелуде, бұл Жер жүйесінің түрлі компоненттеріне ғана емес, адамзаттың тіршілігіне де қауіп төндіреді. Бұл туралы «Пропастан бір қадам артқа: жер ресурстарын басқаруды трансформациялау» атты баяндамада айтылған - деп хабарлайды eldala.kz тілшісі.

Баяндама Потсдам климаттық әсерлер зерттеу институтының профессоры Йохан Рокстрём басшылығымен және БҰҰ-ның Құрғақшылықпен күрес конференциясымен (КБО ООН) бірлесіп дайындалды.

«Егер біз жер ресурстарының негізгі рөлін танып, тиісті шараларды қабылдамасақ, салдары өмірдің барлық аспектілеріне әсер етіп, болашақ ұрпақтардың қиындықтарын күшейтеді», - деді конференцияда КБО-ның Атқарушы хатшысы Ибрагим Тиа.

Баяндама авторларының мәліметінше, бүгінгі күні 15 миллион км²-ден астам жер деградацияға ұшыраған, бұл Антарктидадан да көп. Және әр жыл сайын ғаламдық деградация аумағы шамамен миллион шаршы километрге ұлғаяды.

Қазір жер ресурстарының деградациясы, әсіресе оңтүстік Азия, Солтүстік Қытай, АҚШ-тың Жоғарғы жазықтары, Калифорния және Жерорта теңізі сынды құрғақ аймақтарда қарқынды ауыл шаруашылығы өндірісі мен суаруға деген жоғары қажеттіліктен туындауда. Сол уақытта климаттың өзгеруі экстремалды ауа-райы, ұзаққа созылған құрғақшылықтар мен су тасқынының күшеюімен жер ресурстарының деградациясын тездетуде.

Сонымен қатар, баяндамада көміртектің топырақтағы деңгейін көтеріп, өнімділікті арттыратын технологиялар да келтірілген. Оларға орманды қалпына келтіру, жерді өңдеудің нөлдік әдісі, қоректік заттарды тиімді пайдалану, малды дұрыс бағу, су үнемдеу және жинау, тиімді суару, аралық егіс, органикалық тыңайтқыштар мен компостты жақсарту кіреді.

«Жаңа технологиялар, үлкен деректер мен жасанды интеллекттің бірге қолданылуы жер ресурстарының деградациясымен шұғыл әрекет жасауда инновациялық мүмкіндіктерді қамтамасыз етті. Сонымен қатар, судың, қоректік заттардың және пестицидтердің дәл бөлінуі, зиянкестер мен ауруларды ертерек анықтау пайдасын береді», - делінген баяндамада.