Алматыда студенттің суициді: тергеу жалғасуда

Алматыда тағы бір суицид оқиғасы орын алды. Студенттің денесі 25 қыркүйекте табылды - деп хабарлайды inalmaty.kz тілшісі.

• Алматы қаласының полиция департаменті Бостандық ауданындағы полиция қызметкерлері бұл жағдай бойынша қылмыстық іс қозғады.
• «Мотивтер мен жағдайлар анықталып жатыр»,- дейді полиция өкілдері.

Университеттің ресми мәлімдемесі

Almaty Management University оқу орны студенттің қайтыс болғанын ресми түрде растады. «Университетіміздің студентінің трагикалық өліміне қатты қайғырдық. Оқиғаға байланысты себептер мен жағдайларды құқық қорғау органдары анықтап жатыр. Университет барлық жағынан құқық қорғау органдарына көмек көрсетуде. AlmaUniversity әкімшілігі марқұмның отбасына шын жүректен көңіл айтады және қажетті қолдау көрсетуге дайын», - деп мәлімдеді университеттің баспасөз қызметі.

Өткенде болған қайғылы оқиғалар

Естеріңізге сала кетейік, 18 қыркүйек күні Алматыда 18 жастағы жасөспірім көпқабатты үйдің үстінен секіріп кеткен болатын. Сондай-ақ, 16 қыркүйекте екі мектеп оқушысы көпқабатты үйдің шатырына шығып, қаза тапқан.