Алматы әуежайындағы автотұрақ тарифтері 2025 жылдан бастап өзгереді

2025 жылдың 1 қаңтарынан бастап Алматы халықаралық әуежайында автотұрақ үшін жаңа тарифтер енгізіледі. Бұл туралы әуежайдың баспасөз қызметі мәлімдеді, деп хабарлайды inalmaty.kz тілшісі.

Тарифтер тұрақты түрде жүргізіліп жатқан жоғары сапалы автотұрақ қызметтерін қамтамасыз ету жұмыстарымен және өсіп отырған эксплуатациялық шығыстармен байланысты көтеріледі.

«Біз сіздің автотұрақ тәжірибеңізді жақсартуға ұмтылып, оны үнемі жаңартып, жетілдіру үстіндеміз. Бұл жаңа кіреберіс рампасының құрылысын, өсіп келе жатқан сұранысты қамтамасыз ету мақсатында автотұрақ орындарын кеңейтуді және автотұраққа автоматтандырылған нөмірлерді тану жүйесін енгізуді қамтиды. Бұл жаңартулар барлық клиенттеріміз үшін қауіпсіздік пен жайлылықты қамтамасыз етуге бағытталған», - деді Алматы әуежайының баспасөз қызметі.

Сонымен қатар, қазіргі замандағы технологияларды қолдану, соның ішінде автоматтандырылған жүйелер, клиенттердің уақытын үнемдейтін болады.