Қазақстанда астық жинау науқаны табысты өтуде

Қазақстанда 27 қыркүйекке дейін 12,6 млн гектардан астам дәнді және бұршақты дақылдар жиналды. Орташа өнімділік 14,7 центнер/гектарды құрап, 18,5 млн тонна астық жинап алынғаны туралы eldala.kz тілшісі хабарлады.

Дәнді дақылдар жиналды

• Бидай 9,8 млн гектар жерден жиналып, өнімділігі 14,1 центнер/гектарды құрап, 13,9 млн тонна алынды.
• Арпа 1,9 млн гектардан жиналып, өнімділігі 16,6 центнер/гектар, жиналғаны 3,2 млн тонна.
• Сұлы 154,3 мың гектардан жиналып, өнімділігі 15,9 центнер/гектар, 245,4 мың тонна жиналды.

Майлы дақылдар мен көкөністер

Майлы дақылдар 395 мың гектардан жиналып, орташа өнімділігі 11,7 центнер/гектар, жиналған мөлшері 461,1 мың тонна. Сонымен қатар, елімізде 2 млн тонна картоп (орташа өнімділігі 232,9 центнер/гектар) және 2,4 млн тонна көкөніс (өнімділігі 248,2 центнер/гектар) жиналды.

Техника және қаржыландыру

Жинау науқанына 149,9 мың трактор, 37,6 мың астық жиюшы комбайн, 14,9 мың жатка және 195 мың басқа техника тартылды.

2024 жылы көктемгі-далалық және жинау жұмыстарына жеңілдетілген қаржыландырудың көлемі 580 млрд теңгені құрайды, бұл алдыңғы жылдармен салыстырғанда үш есеге жуық көп. Келесі жылы бұл сома 700 млрд теңгеге дейін арттырылады, жеңілдетілген несиелердің берілуі биылғы жылдың қараша-желтоқсанында басталады.