Алматы метросында ұялы байланыс және интернет іске қосылды

Алматы метросында ұялы байланыс және интернет іске қосылды. Оның жұмыс істеп жатқандығы жеті станцияда расталды - деп хабарлайды inalmaty.kz тілшісі.

Басқа төрт станцияда байланыс жұмыстары жалғасып жатыр. Қазіргі уақытта байланыс тек платформаларда бар болса, метрополитен өкілдері жақын арада вагондарда да интернетті пайдалануға мүмкіндік берілетінін айтты.

Компания өкілдері әзірше байланыс тек бір ғана ұялы оператормен қамтамасыз етілгенін, бірақ болашақта жобада басқа операторлардың да қатысатындығын мәлімдеді.