Қазақстанда Жаңа жыл мерекесінде пиротехниканың әсерінен 63 адам зардап шекті

Жаңа жыл мерекесінде Қазақстанда пиротехниканы қолданудың салдарынан 63 адам зардап шекті. Оның ішінде 20-сы — балалар, деп хабарлайды inalmaty.kz тілшісі.

Министрліктің хабарлауынша, 12 адам ауруханаға жатқызылды. Зардап шеккендердің облыстар бойынша бөлінуі келесідей:

• Алматы — 19 адам;
• Жамбыл облысы — 11 адам;
• Қарағанды, Маңғыстау, Қостанай облыстары мен Шымкент — 6 адам;
• Ақтөбе облысы — 2 адам;
• Ақмола, Қызылорда, Атырау, Шығыс Қазақстан, Батыс Қазақстан, Алматы және Абай облыстары — 1 адамнан.

Зардап шеккендердің барлығына көз жарақаттары, көз роговицасының күйіктері, қолдың күйіктері мен жарақаттары диагнозы қойылды. Бір науқастың іш қабырғасының жарақаты бар, оның жағдайы орташа ауырлықта», — делінген ведомствода.