Жамбыл 2 ауылында газсыз қалған тұрғындар

Авария 22 қаңтар күні Жамбыл 2 ауылында орын алып, бірнеше мың адам газсыз қалды, - деп хабарлайды inalmaty.kz тілшісі.

Дереккөздерге сәйкес, жол-көлік оқиғасы Керімбекова көшесінде болған. Нәтижесінде 219 миллиметр диаметрі бар орта қысымды газ құбырына зақым келген.

Осының салдарынан Жамбыл 2 ауылындағы 3000 абонент және Үлан ауылының бір бөлігінде газ беру тоқтатылды.

«Оқиға орнына «АлматыГазсервисХолдинг» және МИО мамандары жұмыс істеуде. Қалпына келтіру жұмыстары жүргізілуде»,- деп хабарлады атқарушы орган.