Астанада халықаралық ауыл шаруашылығы көрмесі өтеді

20-шы халықаралық мамандандырылған ауыл шаруашылығы көрмесі AgriTek/FarmTek Astana 2025 12-14 наурызда Астанадағы EXPO халықаралық көрме орталығында өтеді. Көрмеде ауыл шаруашылығындағы алдыңғы қатарлы технологиялар, заманауи техника, өсімдік шаруашылығы мен мал шаруашылығына арналған инновациялық шешімдер ұсынылады - деп хабарлайды eldala.kz тілшісі.

• Көрмені ұйымдастыратын компания: TNT EXPO.
• AgriTek/FarmTek Astana 2025 көрмесінде ауыл шаруашылығы өнімдерін өндіруге қажетті тауарлар, технологиялар мен қызметтер ұсынылады:

1. Тұқымдар
2. Тыңайтқыштар
3. Жемшөп
4. Фермерлерге арналған жабдықтар
5. Цифрлық шешімдер
6. Парниктер
7. Нақты егіншілік технологиялары
8. Аквакультура үшін технологиялар

Мұндай ауқымды көрме өндірушілерге кәсіби аудиториямен байланыс орнатып, жаңа іскерлік байланыстар жасауға мүмкіндік береді. Селолық өндірістегі жаңалықтармен танысу және келісім-шарттарға қол қою үшін мүмкіндік туады.

Көрме аясында қатысушылар арнайы семинарлар мен презентацияларға қатыса алады. Көрмеге дайындық барысында қазіргі заманғы тақырыптар бойынша іскерлік бағдарлама әзірленуде.

2024 жылы AgriTek/FarmTek Astana көрмесіне 15 елден шамамен 240 компания қатысты. Әр жыл сайын көрмеге 5 мыңнан астам адам келеді.

AgriTek/FarmTek Astana UFI Approved Event статустына ие. Бұл белгі оқиғалардың жоғары ұйымдастырушылық деңгейін, олардың бизнес дамуына және сала қалыптасуына әсерін, сондай-ақ статистиканың шынайылығын растайды.

AgriTek/FarmTek Astana 2025 көрмесіне кіру тегін, тек ресми сайтта тіркелу қажет. Анкета толтыра отырып, электронды билет алыңыз және ауыл шаруашылығындағы заманауи технологиялар мен шешімдер көрмесін тамашалаңыз.

Көрме туралы толығырақ ақпарат алу үшін TNT EXPO-ға хабарласыңыз:

• Тел.: +7.727.344.0063
• E-mail: agri@tntexpo.kz
• Сайт: www.agriastana.kz