Алматыда алаяқтар call-орталығы жабылды

Call-орталығы Алматыдағы бизнес-орталықтың бірінде құқық қорғау органдары тарапынан жабылды. Бұл туралы Алматы қаласының прокуратурасы хабарлады - деп хабарлайды inalmaty.kz тілшісі.

Алаяқтық схемасы

Call-орталықтың «қызметкерлері» потенциальды клиенттерді телефон арқылы шақырып, оларға криптовалютаға ақша салуды ұсынған. Ақша өз шоттарына жиналған соң, олар зардап шеккендерден қоңырауларды бұғаттап тастаған.

Тергеу шаралары

Call-орталықты ұйымдастырған Ресей азаматының жетекшілігінде 24 қазақстандық азамат жұмыс істеген. 60 компьютер, анонимді қоңыраулар жасауға арналған бағдарламалар және клиенттермен жұмыс істеу алгоритмі жазылған блокноттар тәркіленді.

«Біздің тергеу органдарымыз алдын ала тергеу жүргізіп жатыр, қазіргі уақытта зардап шеккен тұлғалар мен оларға келген зиян анықталатын болады.»

Бұған дейін шетелдік азамат Алматы облысында өз отандасын 69 миллион теңгеге алдаған.