Медеу коньки тебу алаңы: тарихи көрінісін сақтау жалғасуда

Алматыдағы «Медеу» коньки тебу алаңының тарихи көрінісі мен мәдени мұрасы реконструкция кезінде сақталады. Бұл жөнінде қала әкімдігінің баспасөз қызметіне сілтеме жасап, inalmaty.kz тілшісі хабарлайды.

Алматыдағы спорт нысандары дирекциясының мәліметінше, 2023 жылы «Медеу» коньки тебу алаңының техникалық жағдайы мен инженерлік желілерді бағалау үшін тексеру жүргізілген. Эксперттердің қорытындысына сәйкес, қазіргі жағдай жаппай коньки тебуге арналған қауіпсіздік талаптарына сәйкес келеді.

Негізгі модернизация бағыттары

Реконструкция шеңберінде мынадай негізгі бағыттар ұсынылған:

• Аула аумағын абаттандыру: коньки тебу алаңының батыс жағына серуендеу аллеясы мен променад құру; алаң айналасында серуен маршруттары үшін баспалдақ құрылымдарын орнату; оңтүстік беткейі бойында Есентай өзенінің жағасында абаттандыру; көршілес аумақты жақсарту.
• Кіру және шығу үшін екі лифт орнату: коньки тебу алаңының оңтүстік-шығыс және оңтүстік-батыс бөліктерінде мүгедек адамдар үшін.
• Инженерлік жүйелерді модернизациялау: мұз жамылғысының салқындату жүйесін жаңарту; технологиялық тақтаны жаңарту; жылу жүйесін газға көшіру; негізгі және көрермен орындарын жылыту жүйесін модернизациялау; энергия тиімділігін арттыру үшін инфрақұрылым элементтерін жаңарту; инженерлік жүйелер, коммуникациялар мен электр жабдықтарын толық ауыстыру.
• «Медеу» қонақ үйі толық реконструкцияланады.

Реконструкция кезінде «Медеу» коньки тебу алаңының тарихи көрінісі мен мәдени мұрасын сақтау басты приоритет болып қала береді. Еске салайық, «Медеу» коньки тебу алаңының реконструкциясы үш жылға созылады.