Алматыда 300 мопед ресми тіркеуден өтті

Алматы қаласында ресми тіркеуден шамамен 300 мопед өтті. Бұл туралы Алматы қалалық полиция департаментінің баспасөз қызметіне сілтеме жасап, inalmaty.kz тілшісі хабарлайды.

Мопедтерді тіркеу жөнінде

«Соңғы уақытта Алматыда 300 транспорттық құрал ресми тіркеуден өтті. 5 сәуірден бастап күшіне енетін өзгерістерге сәйкес, мопедтер механикалық транспорт құралдарымен теңестіріледі. Мопедтерді басқару үшін тіркеу және A1 санатындағы жүргізуші куәлігі қажет», — делінген хабарламада.

Құқықтық өзгерістер

• Әкімшілік полиция өкілдерінің айтуынша, тіркеу процесі «Жол қозғалысы туралы» заңға енгізілген өзгерістерге сәйкес жүргізілуде.
• 2024 жылы заңнамаға енгізілген өзгерістер мопедтерді пайдалануды ретке келтіру мақсатында қабылданды.
• Енді мопед жүргізушілері жол қозғалысының толыққанды қатысушылары болып табылады және заң талаптарын сақтауға міндетті.

«Иелері тіркеу процедурасынан жеңілдетілген тәртіппен өтулеріне болады», — деді Алматы қалалық полиция департаментінің процессинг орталығының басшысы Айдын Меркімбаев.