Түркістан облысында жаңа бройлерлік құс фабрикасы 48 мың тонна өнім шығарады

«Каркын Трейд» жауапкершілігі шектеулі серіктестігі Түркістан облысында жылына 48 мың тонна ет өндіруге қабілетті вертикальді интеграцияланған бройлерлік құс фабрикасын салады - деп хабарлайды eldala.kz тілшісі.

Бұл кәсіпорын жылына 12 мың тонна дайын өнім шығаратын ет өңдеу зауытын және 2 мың бас малды бордақылау алаңын қамтиды. Өндіріс қуатын кеңейту жобасы 5 жылға жоспарланған.

Жобаның кезеңдері

• 2026 жылы 16 мың тонна құс етін өндірудің бірінші кезеңі енгізіледі;
• 2028 жылы өндіріс қуаты 32 мың тоннаға дейін жеткізіледі;
• 2030 жылы 48 мың тоннаға жетеді.

«Жобаны жүзеге асырудың барлық аспектілерін қамтитын егжей-тегжейлі бизнес-жоспар жасалды. Инвесторлармен және қаржы институттарымен келіссөздер жүргізілді», - деп мәлімдеді министрлік.

Ауыл шаруашылығы министрлігінің хабарлауынша, жоба ішкі және сыртқы нарықтардағы құс етіне деген өсіп жатқан сұранысты қанағаттандыруға бағытталған.