Байтерек холдингі Қытай халқынан юаньмен заем тартты

Ұлттық басқарушы холдинг «Байтерек» алғаш рет Қытайдың Сауда-өнеркәсіп банкі (ICBC) арқылы юаньмен заем тартты. Тартылған қаражат Қазақстанның агроөнеркәсіп секторын қаржыландыруға бағытталады, бұл Қазақстан өнімдерінің Қытайға экспортын ұлғайтуға мүмкіндік береді - деп хабарлайды eldala.kz тілшісі.

Жаңа заем ұлттық валютада алынуы Қытай серіктестерімен және жабдықтаушылармен ынтымақтастыққа қосымша перспективалар ашады, сондай-ақ экспорттық және импорттық операцияларды кеңейтуді қолдайды.

«Юаньмен заем тарту – холдингтің қаржылық құралдарын әртараптандыру және Қытаймен экономикалық өзара әрекеттесуді күшейту үшін маңызды қадам. ICBC-мен ынтымақтастық Қазақстан экономикасының негізгі салаларын қаржыландыру және экспорттық әлеуетін арттыру үшін жаңа мүмкіндіктер ашады», — деді холдингтің басқарма төрағасы Рустам Карагойшин.

Пресс-қызметі қосқандай, Қытайдың Сауда-өнеркәсіп банкімен (ICBC) ынтымақтастық холдингке қатысты Қытай қаржы секторының сенімін және оның тұрақты дамуын растайды.

«Қытайдың қаржы институттарымен өзара әрекеттесуді кеңейту холдингтің халықаралық позицияларды нығайту және әлемдік нарықтарда серіктестік қатынастарды дамыту бойынша ұзақ мерзімді стратегиясына сәйкес келеді», — деп атап өтті «Байтерек».

ICBC - Қытай мен әлемдегі ең ірі коммерциялық банк. Ол Қытайдың төрт ірі банкіне кіреді және Қытай банктік секторының бесінші бөлігін басқарады.