Алматыда 17 қазан күні сейсмотренировка өтеді

Жалпықалалық сейсмотренировка 17 қазан күні сағат 10:00-де оңтүстік астанада өтеді. Жергілікті әкімдіктің баспасөз қызметінің хабарлауынша, сейсмотренировка барысында Mass Alert жедел хабарландыру жүйесі тексеріледі - деп хабарлайды inalmaty.kz тілшісі.

Сейсмотренировканың іс-шаралары

Сейсмотренировка автоматты түрде теле- және радиохабар таратушы арналарды алып қоюдан басталады, дабыл мен сөз қатысуы бар сигналдар "Баршаға назар!" деген шақырумен іске қосылады.

Сондай-ақ, тұрғындардың телефондарына хабарлама жіберіледі. Сигнал алынғаннан кейін адамдардың ғимараттан ашық алаңға шығуы қажет.

Негізгі мақсаттары

• Қала тұрғындарын төтенше жағдайларға дайындау деңгейін көтеру;
• Қауіпсіз орындарға эвакуация маршруттарын пысықтау;

Мобильді құрылғы пайдаланушыларына "Ұлттық хабарландыру" белгісімен тесттік хабарлама жіберіледі. Сонымен қатар, Android операциялық жүйесі бар кейбір пайдаланушылар үшін "Президенттік хабарландыру" белгісімен де хабарламалар жетеді.

Барлық хабарламалар "Ұлттық хабарландыру" немесе "Президенттік хабарландыру" деген тақырыптармен келеді. Себебі, халықаралық спецификацияға сәйкес, барлық мобильдік құрылғылардың өндірушілері тесттік немесе төтенше хабарламаларды мемлекеттік органдар іске қосқан кезде операциялық жүйе деңгейінде осындай атауларды қолданады.

Халыққа үндеу

Алматылықтарды паникаға бой алдырмай, сейсмотренировкаға қатысуға шақырады.