Станислав Черчесов Қазақстан ұлттық құрамасының бас бапкері қызметіне қайта тағайындалды

Белгілі маман Станислав Черчесов Қазақстан ұлттық құрамасының бас бапкері қызметіне қайта тағайындалу үстінде. Жақын арада 61 жастағы ресейлік өзінің міндеттеріне кірісетін болады, деп хабарлайды vesti.kz.

Черчесов өткен жылдың жазында Қазақстан құрамасына тағайындалды, алайда оның кезінде команда Ұлттар Лигасының күзгі кезеңінде сәтсіздікке ұшырап, алты матчта бар болғаны бір ұпай жинап, бірде-бір гол соға алмады.

Жаңа КФФ басқармасы жыл басында Черчесовты қызметінен босатты. Біраз уақыттан кейін ұлттық құраманың бас бапкері міндетін атқарушы қызметіне қазақстандық Али Алиев тағайындалды, оның кезінде команда 2026 жылғы әлем чемпионатының іріктеуінде екі матч өткізді.

КФФ басшылығы тұрақты бас бапкер лауазымын наурыздың соңына дейін анықтауды мақсат етті. Алайда кандидаттардың болмауына және Черчесовтың өз қателіктерін түзетуге дайын болуына байланысты федерация ресейлік маманға екінші мүмкіндік беруді шешті.

Айта кету керек, Черчесов осы уақыт бойы экс-шәкірттерінің ойындарын белсенді түрде бақылап отырды. Ол әлеуметтік желілерде қазақ тілінде жазбалар қалдырып, Қазақстан құрамасын қолдап отырды.

Ресейде Қазақстан құрамасын сынап, Черчесовты қорғауға шықты.