Емельяненко мен Тарасов арасындағы екінші жекпе-жек 29 наурызда өтеді

Танымал ресейлік жауынгер Александр Емельяненко 29 наурызда Беларусьтегі «Осьминог-5» турнирінде жекпе-жекке шығады. Оның қарсыласы – отандасы Артем Тарасов, - хабарлайды fighttime.ru.

Емельяненко әлеуметтік желіде жекпе-жек ұйымдастырылғаны туралы жариялап, былай деді:

«Бірнеше нәрсені шексіз көруге болады – оттың қалай жанғанын, судың қалай ағып жатқанын, және Артемка Тарасовтың рингте менен қалай қашып жүргенін».

Ол сонымен қатар келісімшартқа қол қойғанын атап өтті:

«Шақыру қабылданды! Беларусь, 29 наурыз, халықаралық «Осьминог-5» турниры. Кеттік!»

Емельяненко мен Тарасов арасындағы алғашқы жекпе-жек 2021 жылдың қазанында Мәскеудегі «Наше Дело» поп-лигасының турнирінде өткізілген. Ол кезде Тарасов бірауыздан төреші шешімімен жеңіліс тапқан еді.

Александр Емельяненко өткен жылы Назранидегі NFL 2 турнирінде жекпе-жектерге қайта оралды. Ол қайтару матчында Алексей Гончаровты 36-шы секундта техникалық нокаутпен жеңді. Ал Артем Тарасов желтоқсан айында бес жеңіс сериясын үзді, Мәскеудегі Hardcore FC турнирінде Анатолий Надратовскийге нокаутпен жол берді.