Кайрат Түркияда Ибериядан жеңіліс тапты

«Кайрат» командасының чемпиондары Түркиядағы даярлық кезінде жолдастық матчта жеңіліс тапты. Алматы клубының қарсыласы Грузияның "Иберия" командасы болды, деп хабарлайды vesti.kz.

Қазақстан мен Грузия чемпиондарының шайқасы 1:0 есебімен грузиялық тараптың пайдасына аяқталды. Бір ғана гол 86-шы минутта соғылды.

Бұл "Кайраттың" Түркиядағы жиында өткізген екінші матчы болатын. Бұған дейін команда босниялық "Борацпен" тең ойын өткізді (0:0).

Айта кетейік, "Кайрат" 2025 жылғы маусымды 22 ақпанда Қазақстан Суперкубогы үшін "Актобе" командасына қарсы матчпен бастайды.