ЭЦҚ және дербес деректерді қорғау: әкімшілік жауапкершілік күшейді

Қазақстан Республикасында енді жеке және заңды тұлғалардың дербес деректерді қорғау мен электрондық цифрлық қолтаңба (ЭЦҚ) саласындағы әкімшілік жауапкершілік жаңа нормалармен толықтырылды. Бұған дейін жауапкершілік тек ЭЦҚ кілтін үшінші тұлғаларға заңсыз беру және қорғау куәлігін иелену саласында ғана жүзеге асырылатын. Енді заңнамалық өзгерістер нәтижесінде, құқық бұзушылық үшін әкімшілік жауапкершілік мерзімі құқық бұзушылық жасаған күннен бастап екі айдан бір жылға дейін ұзартылды.

Жаңа айыппұл мөлшері

Сонымен қатар, дербес деректерді қорғау туралы заңын бұзу, оның ішінде дербес деректерді заңсыз жинау және өңдеу жағдайлары бойынша, әкімшілік айыппұлдардың мөлшері үш есе артты. Бұрын айыппұлдар 10-нан 1000 АЕК-ке дейін өзгереді, ал жаңа нормалар бойынша бұл сома 30-дан 2000 АЕК-ке дейін көтерілді.

ЭЦҚ кілтін пайдалануға қатысты жауапкершілік

Қазақстан Республикасының электрондық құжат және ЭЦҚ туралы заңнамасын бұзғаны үшін жаңа әкімшілік құқық бұзушылық түрі енгізіледі. Яғни, басқа адамның ЭЦҚ кілтін заңсыз пайдаланғаны үшін де әкімшілік жауапкершілік қарастырылды.

Қабылданған шаралар азаматтардың жеке деректерін қорғауды күшейту мен электрондық цифрлық қолтаңбаны қауіпсіз пайдалануды қамтамасыз етуге бағытталған.

Осылайша, қазіргі өзгерістер азаматтардың құқықтарын қорғауға, алаяқтық әрекеттерді азайтуға және ақпараттандыру саласындағы заң бұзушылықтар үшін жауапкершілікті арттыруға үлес қосады.