Қазақстанда цифрлық қаржы инфрақұрылымын дамыту: 2023 жылғы қорытындылар

Құжатта Ұлттық цифрлық қаржы инфрақұрылымының (ҰЦҚИ) өткен жылғы жұмыс қорытындысы және алдағы стратегиялық мақсаттары талқыланған. Қазақстан Ұлттық Банкі “Ұлттық цифрлық қаржы инфрақұрылымын дамыту туралы” жылдық есебін жариялады.

Инфрақұрылымды дамыту бағыттары

Инфрақұрылымды дамытудағы негізгі бағыттар мыналар:

• Цифрлық валютамен операцияларды қоса алғанда, қауіпсіз әрі үздіксіз транзакцияларды қамтамасыз ету.
• Биометриялық сәйкестендіру мен келісімдерді басқару үшін цифрлық сервистерді енгізу.
• Aшық API арқылы қатысушылар мен қызметтерді жеткізушілер арасында қауіпсіз дерек алмасу.

2024 жылғы стратегиялық бағыттар

2024 жылы ҰЦҚИ-ды дамытудағы басым бағыт - төлем инфрақұрылымының жаңа элементтерін құру.

Бұл үшін нарыққа қатысушылар арасында қауіпсіз және өзара ашық іс-қимылды қамтамасыз ету қажет.

Төлем жүйесінің жаңалықтары

Төлем карточкаларының банкаралық жүйесін, Open API және Антифрод-орталығын іске қосу қаржылық инклюзияны нығайтып, қауіпсіздік деңгейін арттырды.

Қазіргі таңда ҚҰБ инфрақұрылымы тәулігіне 5,9 трлн теңгеге 350 000-нан астам транзакцияны өңдейді.

Айына 2,5 млн-нан астам цифрлық сәйкестендіру операциясы жүргізілуде.

Цифрлық теңге жобасы

2024 жылы “Цифрлық теңге” жобасының екінші кезеңі аясында мемлекеттік және бағдарламаланатын төлемдерде цифрлық валютаны пайдаланудың жаңа сценарийлері сыналады.

Бұл ел экономикасында цифрлық валютаның толық көлемде енгізу үшін негіз қалайды.

ҰЦҚИ-дың негізгі мақсаты

Ұлттық цифрлық қаржы инфрақұрылымы нарықтың барлық қатысушылары үшін тең қолжетімділікті қамтамасыз етіп, икемді, орнықты және бәсекеге қабілетті қаржы жүйесін құруға ықпал етеді.

Айта кеткен жөн, ҰЦҚИ операторы - Қазақстан Республикасының Ұлттық Банкінің Ұлттық төлем корпорациясы.