Гренландия парламенты Трамптың аралға иелік ету сөздерін сынға алды

Гренландия парламенті АҚШ-тың сайланған президенті Дональд Трамптың аралға бақылау жасап, оған иелік етудің маңыздылығы туралы айтқан сөздерін қорлау деп санады. Бұл туралы Ritzau агенттігі хабарлаған, ТАСС жеткізді.

«Гренландия әлі күнге дейін сатылмайды. Мен АҚШ-тың болашақ президентінің "иелік ету" және "бақылау" сөздерінің батыс әлемінің сыртқы саясатымен қауіпсіздік саясатында анық сигнал екенін ойлаймын, бұл олардың Гренландияны сатып алғысы келетініне ишара», — деді «Халықтық қауымдастық» партиясынан депутат Аайя Шемниц басылымға.

Парламент мүшесі АҚШ-пен ынтымақтастықты кеңейтуге шын көңілмен қолдайтынын атап өтті, оны соңғы уақытта Гренландияда американдық консулдықтың ашылуы дәлелдейді. Депутаттың айтуынша, арал тұрғындарының басым көпшілігі АҚШ құрамына кіруге құлықсыз.

Бұған дейін америкалық миллиардер және өнертапқыш Илон Маск саясаткерлерді Трампқа Гренландияны Америка Құрама Штаттарына қосуға көмектесуге шақырды.