Сирияның жаңа билігі РПК-ға қаруды тастау талабын қойды

Сириядағы жаңа билік Күрдстанның Жұмыс партиясы (РПК) өкілдерімен келіссөздер жүргізіп, қаруды тастауын талап етті. Бұл туралы түрік газеті Hürriyet дереккөздеріне сілтеме жасап хабарлайды.

Басылымның мәліметтері бойынша, РПК Сирия армиясында дивизия немесе корпус алуды, қарудан бас тарту жөнінде келіссөздер жүргізуді талап етіп, араб республикасының солтүстігіндегі мұнай кен орындарын 50/50 бөлісу жайында ұсыныс берген.

Сириядағы жаңа билік бұл мәселені талқылаудың орнына, РПК-ға қаруды ешбір шартсыз тастау міндетін қойды.

Бұған дейін Түркия президенті Режеп Тайип Ердоған сириядағы күрд жауынгерлерін таңдау алдында қалдырды.

Ол күрд жауынгерлері қаруды тастамаса, жерленетіндерін айтты. Сонымен қатар, Түркия қабылдаған сириялық босқындардың бір бөлігі қайта келе бастағанын қосты.