НАТО әскери шығындарын көбейтуді 10 жылдан кейін жоспарлады

НАТО елдері әскери шығындарын ІЖӨ-нің 5 пайызына дейін тек 10 жылдан кейін арттыра алатын болады. Мұндай болжамды Польшаның қорғаныс министрі Владислав Косиняк-Камыш Financial Times газетіне берген сұхбатында айтты.

«[АҚШ-тың жаңадан сайланған президенті Дональд Трамптың талаптарын орындауға] тағы бір он жыл уақыт кетеді, бірақ мен оның шынымен де амбициялы мақсат үшін сынға алынбауы қажет деп ойлаймын, себебі әйтпесе кейбір елдер қосымша [әскери] шығындарды көтерудің қажеттілігі туралы дауласуды жалғастыра береді», - деді шенеунік.

Оның айтуынша, COVID-19 пандемиясының жағдайы НАТО елдерінің қорғанысқа қаржы таба алатынын көрсетті.

Бұрын Трамп НАТО елдерінің әскери шығындарын ІЖӨ-нің 5 пайызына дейін арттыру жоспарларын жариялаған болатын.

Financial Times ақпарат көздеріне сілтеме жасап, желтоқсанда НАТО-да альянс мүшелерінің әскери блоктың қорғаныс шығындарын ІЖӨ-нің 3 пайызына дейін арттыру қажеттігін талқылай бастағанын хабарлады.