Солтүстік Корея АҚШ-ты тұрақсыздықтың негізгі себепкері деп атады

АҚШ пен оларға серіктес елдердің Корея түбегіндегі өткізіп жатқан әскери жаттығулары Пхеньянда әскери провокация ретінде қабылданып, олар өзін-өзі қорғау құқығын пайдалану ниеті бар екендігін мәлімдеді. Бұл туралы Солтүстік Кореяның Сыртқы істер министрлігі хабарлады, деп жазады «Интерфакс».

«Негізінен АҚШ – өңірдегі тұрақсыз жағдайдың негізгі себепкері», — деп атап өтті мәлімдемеде.

Пхеньянда Корея түбегіндегі жағдайдың бұл фонында қарулы қақтығыс қаупінің артып жатқаны айтылып, АҚШ пен олардың серіктестерінің провокацияларына алаңдаушылық білдіреді.

«Біздің суверен құқықтарымыз бен мемлекетіміздің қауіпсіздік мүдделерін қорғау мақсатында, өзін-өзі қорғау құқын пайдалану үшін одан әрі қарқынды шаралар қабылданатын болады», — деп аяқтады ведомство.

Үстіміздегі жылдың желтоқсанында Солтүстік Кореяның басшысы Ким Чен Ын Корей Еңбек партиясының Орталық комитетінің съезінде АҚШ-қа қатысты «өте қатал жауап» стратегиясын жариялады. АҚШ, Жапония және Оңтүстік Кореяның альянсы «агрессивті ядролық әскери блок» ретінде кеңейгені айтылады. Сеулдың АҚШ үшін «тұрақты антикоммунистік алдыңғы шепке» айналғаны ерекше атап көрсетілді.