Канада АҚШ-қа жауап шараларын әзірлеуді ескертті

Канада Сыртқы істер министрі Мелани Жоли АҚШ-қа Оттаваға қарсы тарифтер енгізілсе, жауап шаралары қабылданатынын ескертті. Ол бұл мәлімдемесін онлайн брифинг барысында айтты.

«Мен тарифтердің енгізілуі жағдайында біз жауап қайтаратынымызды және барлық мүмкіндіктердің қарастырылатынын нақты айттым. Фентанилдің бір пайыздан азы АҚШ-қа Канададан келеді, Канададан АҚШ-қа заңсыз мигранттардың да бір пайыздан азы өтеді», — деді министр.

Ол тарифтерді енгізудің Канадаға ғана емес, АҚШ-қа да зиян келтіретінін атап өтті. Жоли, АҚШ Мемлекеттік хатшысы Марк Рубиоымен болған кездесудің сәтті өтті деп есептейтінін, оптимистік көзқараста екенін де білдірді.

Бұған дейін АҚШ президенті Дональд Трамп журналистермен сөйлескен кезінде Канаданы тәуелсіз мемлекет ретінде танымауға болатындығын айтты:

«Канада бізге толықтай тәуелді, сондықтан ол мемлекет бола алмайды», — деді саясаткер.