Финляндия АҚШ-тың импорттық баж салыстарына алаңдаушылық білдірді

Финляндия АҚШ-тың Еуропа Одағына (ЕО) мүше елдерден импортталатын тауарларға қатысты енгізуі мүмкін баж салыстарынан алаңдаулы. Бұл туралы Скандинавия елінің премьер-министрі Петтери Орпо Yle арнасында берген сұхбатында мәлімдеді.

Премьер-министрдің айтуынша, Финляндия бұл мәселені өте маңызды деп санайды.

«Біз америкалық президент Дональд Трамптың сауда-саяси қаупін іске асырып жатқанын көрдік», — деді Орпо.

Финляндия премьері ЕО елдерінің бұл мәселеде бірге әрекет етуді үйлестіру қажеттілігін атап өтті. Сонымен қатар, ол еуропалық мемлекеттердің көшбасшыларын Трамппен келіссөз жүргізу позициясын мұқият ойластыруға шақырды.

Трамп бұған дейін БРИКС елдерінде өндірілген өнімдерге үлкен баж салыстарын енгізуге уәде берген болатын. Ол БРИКС мемлекеттерінде шығарылған тауарларға АҚШ-қа импорт кезінде 100 пайыздық тариф енгізуді қарастыруы мүмкін. Бұл ұйымға Ресей, Үндістан, Қытай, Оңтүстік Африка Республикасы (ОАҚ), Бразилия, сондай-ақ Біріккен Араб Әмірліктері (БАӘ), Египет, Эфиопия және Индонезия кіреді.