BYD-ден әлемдегі ең қуатты зарядтау құрылғысы таныстырылды

BYD концерні Megawatt Flash Charger деп аталатын жаңа зарядтау құрылғысын таныстырды. Бұл әлемдегі ең қуатты зарядтау жүйесі болып табылады, себебі ол 1000 кВт қуат тогын қамтамасыз етеді. Мұндай зарядтық қуатты тиімді пайдаланатын алғашқы электрокарлар Han L седаны мен Tang L кроссовері болып табылады.

[media=https://www.youtube.com/watch?v=XFhcG_Cc37g]

Жаңа зарядтау технологиясы

1000 кВт қуат тогымен жұмыс істейтін 1000-вольттық архитектура бес минутта 400 шақырымға жететін энергия қорын береді. Қытайдағы басылымдардың хабарлауынша, тұсаукесер барысында бұл жүйе электрокар аккумуляторын 7-ден 50%-ға дейін 4.5 минутта толтырып үлгерді.

BYD Han L BYD Han L BYD Tang L BYD Tang L BYD Tang L

Автокөліктердің көрсеткіштері

1000 вольттық архитектура BYD-дің Super-E деп аталатын жаңа платформасымен жұмыс істейді. Han L мен Tang L модельдері әртүрлі күштік құрылыммен қамтамасыз етілген. Мысалы, артқы осьте бір моторы бар нұсқасы 680 ат күшін береді, ал толық жетекті классификация 1101 ат күшіне ие. Электрокар кремний карбидінен жасалған аккумулятормен жабдықталған, бұл оған 2 секундта 100 километр жылдамдыққа жетуге мүмкіндік береді. Оның максималды жылдамдығы 300 км/сағ. Жаңа электромобильдің жүріс қоры 700 шақырымды құрайды.

Бағасы мен болашағы

Седанның бастапқы бағасы 270 мың юань (18.6 миллион теңге), кроссовердің бағасы 280 мың юань (19.3 миллион теңге).

BYD басшысы Ван Чуанфу Қытайда төрт мыңнан аса осындай зарядтау станциясын салуды жоспарлап отыр, бірақ олардың жұмысына қатысты нақты мерзімдер әзірге белгіленбеген.