Mercedes-Benz компаниясы адам тәрізді роботтарды шығару жоспарларын жариялады

Mercedes-Benz компаниясы өндірісте жасанды интеллектіні кеңінен пайдалану жоспарын жариялады. Apollo деп аталатын адам тәрізді роботтар Берлин қаласындағы инновациялық алаңда жұмыс істеуге дайын.

Бұл роботты Apptronic стартапы жасады. Жобаға Остиндегі Техас университетінің робототехника зертханасының инженерлері және Mercedes-Benz қызметкерлері өндіріс процесі туралы маңызды ақпарат берді. Google DeepMind бөлімшесінің мамандары да жобада белсенді болды.

Apollo-ның бойы — шамамен 170 см, салмағы — 73 кг және ол қолымен 25 келіге дейін жүк көтере алады. Оның көздері мен басы бар, бірақ дыбыс арқылы емес, жарықдиодты кодталған хабарламалармен қарым-қатынас жасайды.

Mercedes-Benz компаниясының мәліметі бойынша, бастапқы кезеңде Apollo интралогистика саласындағы тапсырмаларды орындайды. Яғни, Apollo құрастыру конвейеріне бөлшектер, компоненттер мен модульдер жеткізумен айналысады. Болашақта роботтар сапа тексеруді қатар алады, және бренд оларға күрделі тапсырмалар орындауды үйретуді жоспарлап отыр.

Неміс концерні Apptronic-ке бірнеше миллион еуро инвестиция салғанын хабарлады. Бұл қаржы компанияның өндіріс процессін толықтай роботтандыруға деген ұмтылысын көрсетеді.