Mercedes-Benz жаңа модельдермен нарыққа шығуды жоспарлап отыр

Mercedes-Benz компаниясы 2027 жылға дейін жаңа модельдер тізімін кеңейту туралы ауқымды жоспарларын жариялады. Бұл жоспар компания тарихындағы ең ірі жобалардың бірі болып табылады. Онда әртүрлі нарықтарға арналған көптеген жаңа немесе жаңарған модельдер қамтылады. Mercedes-Benz электрлендіру бағытын таңдағанын, сонымен қатар өздерінің технологиялық мүмкіндіктерін жақсартуды көздейтінін мәлімдеді.

Жаңа модельдердің таныстырылымы

Бренд үшінші буындағы CLA седанын жаңа өнім ретінде таныстыруда. Оның нарыққа толық электрлі нұсқасымен қатар, іштен жанатын қозғалтқышы бар модельі де шығады. Күштік құрылым жаңа 8 сатылы роботты трансмиссиямен жабдықталады.

Электрлендіру бағыты

GLC кроссоверімен, С және E класты седандармен бірге батареялы модельдер де ұсынылады. Mercedes-Benz 2027 жылға қарай шығарылатын барлық модельдің 30 пайызын электрокар ету мақсатында жұмыс жүргізеді. Жаңа автомобиль өнімдеріне AMG моделдері мен G-класындағы шағын түрленімдер мен ұзын GLE модельдері кіреді. Аспан асты еліндегі нарыққа компания жергілікті мамандардың қатысуымен әзірленген жеті жаңа модель ұсынбақ.

Жасанды интеллект және автономдық жүйелер

Барлық жаңа модельдерге MB.OS операциялық жүйесі, пайдаланушыға нақты бір нарыққа бейімделген, интеграцияланатын жасанды интеллект элементтері орнатылады. Сонымен қатар, компания 2++ автономдық деңгейіне ие жүргізуші көмекшілері кешенін де жақсартып жатыр. Оған қоса, жаңа дизайн стилистикасы отынмен және электрмен жүретін автокөліктер үшін өзгереді, бұл клиенттерге модель мен жетек типі арасында таңдау жасауға мүмкіндік береді.

Іштен жанатын қозғалтқыштар

Mercedes-Benz компаниясы іштен жанатын қозғалтқыштарды да толық жоймайды. Болашақта экостандарттарға сәйкес 4-8 цилиндрлі моторлар тобы әзірленіп, V12 қозғалтқышы да сақталады, бірақ ол тек таңдаулы нарықтарға ұсынылатын болады. Компания 2027 жылға қарай өндіріс көлемін 2,5 млн-нан 2 млн машинаға дейін төмендетуді жоспарлап отыр, бұл өз кезегінде қаржылық тиімділікті қамтамасыз етеді.