Қазақстанда бидай тасымалын арзандату үшін субсидиялар төлене бастады

Қазақстанда бидайды алыс нарықтарға тасымалдауға байланысты шығындарды арзандату мақсатында субсидиялар төлеу басталды. 2025 жылға дейін осы мақсаттарға 40 миллиард теңгеге дейін бағытталмақ - деп хабарлайды eldala.kz тілшісі.

Продкорпорацияның баспасөз қызметі бұл ақпаратты ElDala.kz порталына растады. Субсидия нормасы, маршрутқа байланысты, тоннасын 20 немесе 30 мың теңге көлемінде белгіленген.

27 мамырдағы мәліметтер бойынша, Продкорпорацияға 14,3 миллиард теңге көлемінде транспорттық субсидия алу үшін 284 өтініш түскен. Осы өтініштер аясында 625,1 мың тонна дәнді дақылдар экспортқа шығарылды.

Ең көп субсидияланатын бағыттар

Субсидияланатын ең танымал бағыттар арасында Әзербайжан бар - 2024 жылғы егіннен шыққан 275 229 тонна бидай экспортталды, сондай-ақ Балтық елдеріне 203 555 тонна жеткізілді.

Экспорт көлемі

• Қара теңіз порттары арқылы - 48 815 тонна;
• Балтық теңізі (Ресей) арқылы - 35 967 тонна;
• Ауғанстанға (Түркіменстан арқылы транзитпен) - 37 032 тонна;
• Грузияға - 24 525 тонна.