Қазақстанда астық экспортын субсидиялау ережелері бекітілді

Қазақстан Республикасы Ауыл шаруашылығы министрлігі 3 наурызда «Астық тасымалдауға байланысты шығындарды арзандатуға субсидия беру ережелері және ауыл шаруашылығы секторындағы ұлттық компанияның астық тасымалдаумен байланысты шығындарын субсидиялау ережелері туралы» бұйрық қабылдады. Бұл құжат 2025 жылдың 1 қаңтарынан 1 қыркүйегіне дейінгі кезеңдегі бидай экспортын қамтиды - деп хабарлайды eldala.kz тілшісі.

Субсидиялардың мақсаты

Министрліктің баспасөз қызметінің хабарлауынша, субсидиялардың негізгі мақсаты - элеваторлық қуаттарды босату және елдегі астықтың жинақталуын болдырмау үшін артық астықты нарықтан шығару.

Бюджет пен субсидия мөлшері

Ел үкіметі 2 миллион тонна бидайды экспорттауға 40 миллиард теңге республикалық бюджеттен субсидиялауды жоспарлап отыр. Экспорт бағыттарына байланысты көлік шығындарын субсидиялау нормативі тоннасына 20 мың немесе 30 мың теңгеден тұрады.

Субсидия төлеу бағыттары

Субсидиялар бидай экспортында мынадай бағыттар бойынша беріледі:

• Ресей Федерациясының аумағы арқылы Азов, Қара және Балтық теңіздерінің порттарына транзит - тоннасына 20 мың теңге;
• Ресей, Латвия, Литва және Эстония аумағы арқылы Балтық теңізінің порттарына транзит - тоннасына 30 мың теңге;
• Ресей аумағы арқылы Латвия, Литва және Эстонияға транзит - тоннасына 20 мың теңге;
• Әзербайжан және Грузия аумағы арқылы Қара теңізінің порттарына транзит - тоннасына 30 мың теңге;
• Түркіменстан арқылы Ауғанстанға транзит - тоннасына 20 мың теңге;
• Түркіменстан арқылы Иранға транзит - тоннасына 20 мың теңге;
• Қытай аумағы арқылы Оңтүстік-Шығыс Азия елдеріне транзит - тоннасына 30 мың теңге;
• Әзербайжан, Грузия және Арменияға - тоннасына 20 мың теңге.

Субсидияланатын шығындар

Экспорттаушы компанияларды қолдаумен қатар, бидайды экспорттауда ауыл шаруашылығы секторындағы ұлттық компанияның шығындары да субсидияланады. Продовольственная корпорацияға, аталған бағыттардан бөлек, Тәжікстан, Түркіменстан, Өзбекстан және Қытайға бидай экспорттау кезінде тоннасына 20 мың теңге субсидия бөлінеді.