BYD электр көліктерінің экспорты рекордқа жетті

BYD 2025 жылдың наурызы мен I тоқсандағы қорытындысын жариялады. Шетелге электромобиль және гибрид жөнелту көлемі екі есе өскен. Бірақ концерн құрамындағы кейбір брендтің сауда деңгейі әлі көңіл көншітпейді.

Наурыздағы сатылым және экспорт

Наурызда бренд 377.4 мың машина сата алды, оның 371.4 мыңы жеңіл көлік:

• 166.1 мың — электромобиль;
• қалғаны — гибрид.

BYD-дің барлық категория бойынша саудасы жылдан жылға шамамен төрттен біріне артып, өткен аймен салыстырғанда 17%-ға жуық өсті.

Экспорт және шетел нарығы

Компания шетелге 72.7 мың автомобиль жіберіп, жылдық экспорт көлемі 90%-ға ұлғайды. Көрсеткіші ақпандағыдан 8.5%-ға жоғары болды. Осылайша, BYD-дің Қытайдан тыс нарықтағы орны рекордтық деңгейге жетті.

Наурызда негізінен BYD маркалы модельдер көп өткен.

• Yangwang суббренді 133 автомобиль сата алды;
• Fang Cheng Bao жол талғамайтын көліктерінің тиражы 8 мыңға жетті.

Тоқсандық қорытындылар

Тоқсандық нәтижелерге келсек, BYD жалпы 1 миллиондай көліктің кілтін тапсырған.

• Былтырғыдан 60%-ға көп;
• 2024 жылдың IV тоқсанына қарағанда 34%-ға аз.

986 мың жеңіл көлік өз иесін тапса, соның ішінде 416.4 мыңы — электромобиль. Сарапшылар өткен тоқсанмен салыстырғанда барлық категория бойынша сауда төмендегенін, бірақ жылдық өсім сақталғанын атап өтті. Олар бұны Қытай нарығында жылдың алғашқы айларында болатын маусымдық құлдыраумен байланыстырып отыр.

BYD-дің экспорттық көрсеткіші жылдық (110.5%) және тоқсандық (72.7%) есепте де жоғары, жалпы 206 мыңға жуық машина сатты.

Алдағы жоспарлар

Биыл компания өз рекордын жаңартуды көздеп отыр. Жылына 5.5 млн автомобиль өткізіп, шетелге 800 мың өнімін шығармақшы.